„Ndërmarrjeve të Ulqinit „Ujësjellës dhe kanalizimi“ dhe „Veprimtaritë komunale“ ia bllokuam xhiro llogaritë për vlerën e plotë të borxhit tatimor disamilionësh, që do të thotë se atje do të iniciohet falimenti“, deklaroi drejtori i Drejtorisë Tatimore Miomir M. Mugosha.
Sipas fjalëve të tija, Drejtoria Tatimore nuk mund të iniciojë falimentin në Komunë, por mund të bllokojë xhiro llogarinë e saj.
Ai për „Pobjeda“ tha se ky institucion është i vendosur ti bëjë komunat që me përgjegjësi të menaxhojnë financat lokale dhe të jenë financiarisht të qëndrueshme, për çka insiston edhe FMN-ja.
