Shefi i Klubit të këshilltarëve të Forcës së re demokratike në Parlamentin lokal Arian Murati ka thënë se komuna e Ulqinit paguan banimin inspektorëve të ndryshëm të cilët në këtë komunë do të jenë deri më 15 shtator.
“Deri sa inspekcionet e ndryshme bëjnë, pothuajse, masakër me dënime enorme në ekonominë dhe biznesin e Ulqinit, komuna jonë po të njëjtit i shpërblen”, tha ai në profilin e vet në FB.
“Shtrohet pyetja cila komunë në Mal të Zi përveç komunës së Ulqinit i paguan dhe i shpërblen këto inspektorë? Me paratë e cilit popull paguhet banimi i tyre?”, pyeti Murati dhe përfundoi: “Mendoj se çdo koment është i tepërt! Deri kur kështu? Ulqini nuk e meriton këtë tradhti!”
