Partia socialdemokrate në zgjedhjet lokale në Ulqin të caktuara me 4 shkurt do të marr pjesë veçmas, ndërsa listën e saj do ta udhëheqë kryetari i Këshillit komunal të PSD-së – Naser Resulbegoviq.
Siç njoftuan nga kjo parti, PSD do të marr pjesë me sloganin “Të ringjallet Ulqini” me çka sugjerojnë, siç shpjegojnë, gjendjen e vështirë në të cilën ndodhet Ulqini në të gjithë aspektet e jetës shoqërore, e cila është rezultat i sjelljes së papërgjegjshme të pushtetit ndaj qytetit.
“PSD si partia më e fortë opozitare në Kuvendin komunal të Ulqinit do të ofrojë programin gjithëpërfshirës me masat konkrete dhe prioritetet me të cilët duhet të iniciohet ripërtëritja e Ulqinit. Ulqini me të gjithë potencialet e veta meriton të jetë lokomotivë e zhvillimit, veçanërisht kur bëhet fjala për turizëm, e jo siç është tani qytet nga i cili rinia largohet sepse me pushtetin ekzistues nuk sheh perspektivë”, thuhet në kumtesë.