Ndryshime dhe rekomandime: KNSH TANI KKSH

Genci NimanbeguKëshilli Nacional i Shqiptarëve në Mal të Zi të shtunën ka miratuar ndryshimet dhe plotësimet në Statutin e KNSH-së. Në bazë të Statutit të miratuar, emërtimi i Këshillit në gjuhën shqipe në të ardhmen do të jetë – Këshilli Kombëtar i Shqiptarëve në Mal të Zi.

Me ndryshimet e miratuara janë paraparë edhe dy organe të reja: nënkryetari/ët dhe Këshilli Drejtues, i cili përbëhet nga shtatë anëtarë. Gjithashtu, në vend të 12 trupave të përhershme ekzistuese të punës (komisioneve) sa ka pasur deri tani, me Statutin e miratuar janë parashikuar shtatë komisione.

Në këtë mbledhje u mor vendim që KNSH-ja të dalë me një qëndrim lidhur me Ligjin për zgjedhjen e këshilltarëve dhe deputetëve, të miratuar para disa ditësh nga Parlamenti i Malit të Zi. Duke u nisur nga rrethanat e krijuara pas miratimit të këtij ligji, KNSH-ja do t’u rekomandojë partive shqiptare që të dalin të bashkuar në zgjedhjet e ardhshme.

KNSH-ja do të mbajë shumë shpejt një mbledhje të posaçme lidhur me statusin e Komunës së Malësisë – Tuz, në prag të zgjedhjeve lokale që do të mbahen më 25 maj 2014.

Leave a Reply

Your email address will not be published. Required fields are marked *

B.Sella: DUHET BËRË RIORGANIZIMI I BASHKËSIVE LOKALE

TV Ul-info, A. Ibrahimi: REGJISTRIMI PËR NE ËSHTË ÇËSHTJE THELBËSORE

Reportazh: Deti dhe ndërkulturalizmi