Një grup lozonjar i delfinëve (Tursiops trucatus) u xhirua në fillim të kësaj jave në grykëderdhjen e Bunës dhe u publikua në kanalin Youtube të Bojan Kargjinoviqit.
Dihet se delfinët hundështypur preferojnë zonat pranë bregut të detit dhe grykëderdhjet e lumenjve të cilat janë të pasura me peshq.
Delfinët e rritur kanë gjatësi prej 2 deri në 4 metër dhe peshë prej 100 deri 500 kilogram.
Delfinët me kurrizën e tyre ngjyrë hiri në të kaltër dhe sqep (hundë të zgjatur) i cili krijon përshtypjen se buzëqeshin vazhdimisht, janë kafshë shumë inteligjente dhe të shoqërueshme.
