Në restorantin „Barbana“, në grykën e lumit Buna në det, nesër mbrëma do të hapet solemnisht Green Culture Fest-i, i treti me radhë.
Këtë tubim të madh me rreth 200 pjesëmarrës do ta hap kryekomunari i Ulqinit Fatmir Gjeka, drejtuesit e OJQ „Rrethi“ dhe ligjëruesit.
Pritet që ditën e parë të Festit të jenë të pranishëm ambasadorët e Gjermanisë, Francës, Britanisë së Madhe dhe SHBA-së në Mal të Zi.
Festivali dhe konferenca në Adë do të përfundojë të shtunën, më 12 shtator.
