Para saktësisht dy viteve, më 28 shtator të vitit 2011, kryetari i komunës Nazif Cungu bëri betimin dhe mbajti fjalimin solemn.
“Pobjeda” shkruante që në këtë akt ishin të pranishëm 25 nga gjithsej 33 këshilltar. Përveç këshilltarëve ishin të pranishëm rreth 150 qytetarë të cilët erdhën ti japin mbështetje kryetarit të porsazgjedhur të komunës. “Betohem që do ti përkushtohem zhvillimit të komunës dhe ti kontribuojë mirëqenies së qytetarëve tanë në mënyrë që Ulqinit ti kthej famën e vjetër të ndriçoi në Mesdhe si komunë e pasur me qytetar të gëzuar. Ju siguroj që tek unë do të gjeni kryetarin i cili gjithmonë do të jetë i gatshëm për bashkëpunim, mirëkuptim. Do të jem i hapur për këshilla dhe propozime dhe transparent në të gjitha aktivitetet”, tha Cungu në seancën solemne të Kuvendit të komunës.
Në mbledhje nuk ishin të pranishëm këshilltarët e UDSH, ish kryetari i kuvendit Luigj Shkrela, si dhe kryetari mëparshëm i komunës Gëzim Hajdinaga.
Cungu u betua në sallën e madhe të Qendrës për kulturë, sepse një orë para se është dashur të filloi mbledhja solemne e KK, policia fitoi alarm të rremë që në ndërtesë të kuvendit është vendosur bomba.
