Në kuadër të përgatitjeve për Bienalen e 15 të arkitekturës, e cila fillon në fund të majit, në Ulqin të premten dhe të shtunën do të mbahet simpoziumi i arkitektëve, mëson Portali Ul-info.
Në tubimin në Venecia, i cili është ekspozita më e madhe dhe më e rëndësishme e arkitekturës, Mali i Zi do të prezantohet me projektin e Kripores së Ulqinit.
Për këtë arsye të premten arkitektët do të qëndrojnë në Kripore. Tubimin, i cili do mbahet në hotelin “Mediteran”, solemnisht do ta hap ministri i zhvillimit të qëndrueshëm dhe turizmit Branimir Gvozdenoviq dhe kryekomunari i Ulqinit Fatmir Gjeka.
Do të jetë i pranishëm edhe kustosi i muzeut në Venecia, Bart Lotsma, i cili është një nga arkitektët më të rëndësishëm në Europë.
