Prej më 6 deri më 19 shtator në Ulqin do të mbahet “Akademia Straniak për demokraci dhe të drejtat e njeriut”, të cilën e organizon Fakulteti juridik dhe ai i shkencave politike të Universitetit të Malit të Zi, Instituti për të drejtat e njeriut Ludvig Boltzman dhe Universiteti i Vjenës.
Në këtë tubim ligjëratat dhe tryezat e rrumbullakëta do të jenë në gjuhën angleze, ndërsa ligjëruesit do të jenë profesorët universitar dhe ekspertët e shkencave politike nga Austria dhe shtetet e Europës juglindore.
Akademinë e sivjetme do ta ndjekin 35 studentë, të zgjedhur nga më shumë se një qind kandidatë të shkëlqyer të cilët kanë aplikuar nga të gjithë kontinentet.
