Këto ditë nga shtypi doli libri “Në fenë e të parëve” të publicistit Hajrudin S. Muja, i cili jeton në SHBA. Bëhet fjalë për një studim të jashtëzakonshëm në të cilin autori konkludon se “si Krishterimi ashtu edhe Islami janë pjesë e historisë kombëtare”. “Kjo paraqet një begati të trashëgimisë shpirtërore dhe mendore të popullit tonë”, thotë Muja dhe shton se “për më shumë se 500 vjet në trevat shqiptare jetonin në harmoni Islami dhe Krishterimi (katolicizmi e ortodoksia).
“Ato gëzonin mendësinë që të kuptonin se kthimi ‘në fenë e të parëve’ do t’i shpinte në politeizëm, madje edhe para saj”, thotë Muja në këtë libër, botuesi i së cilës është “Logos-A“.
