Ditët e ardhshme do të jenë të plotësuara me ngjarje të rëndësishme për komunën e Ulqinit. Për të hënën është caktuar Kuvendi komunal në të cilin do të diskutohet për Draftin e Planit hapësinor urbanistik të komunës. Atë ditë në Mal të Zi do të vijë delegacioni i fondit holandez “Nedfact” në mënyrë që me zyrtarët në Qeverinë e Malit të Zi të dakordojnë dinamikën e ndërtimit të hotelit “Servantes” në Sukë.
Një ditë më vonë pritet që të vijnë në komunë të Ulqinit përfaqësuesit e Atlas bankës në mënyrë që të arrihet marrëveshja për hipotekë për kredi prej 1,2 milion euro.
Për të mërkurën, me 1 tetor, administrata lokale ka paralajmëruar që do të shpall tenderin për qiradhënien afatgjate të tokës për ndërtimin e akva-parkut në Planzhin e madh.
