Në fundjavë: TAKIMI I GAZETARËVE MBARSHQIPTAR

Plazhi i vogel, Mala plazha, PanoramaMë  20 dhe 21 shkurt  Unioni i Gazetarëve Shqiptarë organizon  takimin ,,Dita  e miqësisë e gazetarëve shqiptarë Shkodër –Ulqin. Takimi fillimisht do të nisë në  qytetin e Shkodrës ku  kryetarja e Bashkisë   Voltana Ademi do të  organizojë një pritje  për  Presidentin e vendit Z.Bujar Nishani dhe  kryetarin e komunës së Ulqinit Z. Fatmir Gjeka .Pasi që ti drejtohen gazetarëve, në orët e pasdites grupi i madh i gazetarëve, të cilëve do ti bashkëngjiten dhe gazetarët  tanë do të vijnë në Ulqin. Këtu është  paraparë një takim në sallën e  Kuvendit, pritje tek  kryetari Gjeka  dhe vizitë Kalasë dhe monumenteve të tjera kulturo historike të qytetit tonë.

Unioni i Gazetarëve Shqiptarë ka për qëllim të përçojë  vlerat më profesionale të  njerëzve të  medias   në  të  gjitha   trojet  shqiptare. Në  gjirin  e tij, përveç  gazetarëve  profesionistë, Unioni mbledh dhe dhjetëra  emra   të spikatur  të gazetarisë  shqiptare, analistë, opinionistë, etj. Andaj, ky  takim  do të jetë një reklamë  e mire për qytetin  tonë në prag të fillim sezonit  turistik, sepse janë  paralajmëruar  intervista  dhe  materiale  të tjera që do të realizojnë përfaqësuesit e mediumeve më te njohura nga   hapësira mbarëshqiptare. 

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…