Një grabitje e pazakontë ka ndodhur të dielën në Murqin të Fushë-Krujës. Bëhet fjalë për trenin e linjës Shkodër-Tiranë.
Mësohet se katër persona i dolën përpara trenit duke e detyruar që të ndalonte. Pas ndalimit, autorët arritën të grabitnin 10 ton qymyr industrial.
Ata u larguan me shpejtësi, ndërsa policia mbërriti me shumë vonesë, pas pothuaj katër orësh. Dyshimet janë se i përfshirë mund të ketë qenë edhe makinisti.
Policia ka nisur menjëherë hetimet për ngjarjen dhe identifikimin e autorëve. Nuk është hera e parë që në këtë zonë ndodhin grabitje apo të shtëna me armë ndaj trenave. /Shekulli Online/
