Të enjten, me fillim në ora 10, në Katërkollë do të mbahet manifestimi tashmë tradicional “Dita e Shegës”. Organizatorë të këtij evenimenti janë Biznis klub Ana e Malit në bashkëpunim me Komunën e Ulqinit dhe Organizatën turistike.
Në kuadër të këtij manifestimi, të enjten mbrëma në Restorantin Lamiga në Krythë , më fillim në ora 19:00, të pranishmit do kenë mundësi të shohin shfaqjen e dokumentarit “TRADITA”. Ky dokumentar është rezultat i projektit “Aktivitetet e Shoqërive Artistike ndër vite në Anë të Malit dhe themelimi i Shoqërisë Artistike ‘Tradita’”. Projekti është financuar nga Fondi për mbrojtjen dhe realizimin e të drejtave të pakicave dhe Biznis Klub Ana e Malit.
Pas shfaqjes së dokumentarit për të pranishmit do të organizohet koktej i rastit.
