Në kuadër të projektit Flamuri i kaltër, në plazhin Mojito, dje është mbajtur Punëtoria kreative ekologjike për fëmijë me emrin “Ta ruajmë detin tonë”. Në kënaqësi të madhe të organizatorit, punëtorisë u kyçen një numër i madh i fëmijëve të cilët qëndronin në plazh.
Punëtoria përbëhej nga dy pjesë. Në pjesën e parë fëmijët, sipas përzgjedhjes, kanë ngjyrosur vizatimet e përgatitura të kafshëve të detit, e pastaj i vendosëshin në tabelën e improvizuar e cila përfaqësonte detin.
“Në pjesën e dytë të punëtorisë kishim shfaqjen “Tregimi i detit”, në të cilën po ashtu morrën pjesë fëmija”, kanë lajmëruar organizatorët Portalit Ul-info dhe shtuan që “interesimi i fëmijëve për pjesëmarrje tregojë që në plazhet tona është e nevojshme të futem sa më shumë përmbajtje kreative”.
