Gjatë muajit prill, nën organizimin e Bashkësisë islame Ulqin dhe Bashkimit të krijuesve Shqiptarë në Mal të Zi, në Ulqin do të mbahet simpoziumi shkencor me rastin e 160 vjetorit të lindjes së Hafiz Ali Riza Ulqinakut.
Në Këshillin organizativ të këtij tubimi janë Ali Bardhi, Gani Karamanaga, Ruzhdi Ushaku, Hajro Ulqinaku dhe Gazmend Dollaku, ndërsa ligjëruesit do të jenë nga Ulqini, Shkodra, Lezha dhe Podgorica.
Hafiz Ali Riza Ulqinaku lindi në Ulqin në vitin 1855, në familjen e një barkatari, që banonte në Ranë, pranë bregut të detit. Ai i përket plejadës se nderuar të figurave të shquara të kulturës shqiptare në periudhën e Rilindjes Kombëtare.
