Mbas shqyrtimit publik dhe fillimit të aksionit qytetarë në hapjen e rrugëve në Valdanos, pushteti komunal në Ulqin ka vendosur që mjetet e parashikuara me buxhet të këtij vit për rikonstruktimin e rrugëve të vjetra në Ullishtën e Ulqinit – të trefishohen.
Me Projekt buxhet ishte planifikuar që për këtë qëllim këtë vit të ndahen 20 mijë euro, por para pak ditësh kjo shifër u rrit në 60 mijë euro. “Kjo do të thotë që të paktën gjysma e këtyre mjeteve do të shpenzohen në pastrimin dhe rikonstruktimin e rrugëve në Valdanos”, thanë për Portalin UL-info nga administrata komunale.
