Konflikti për pronën ka bërë që tre vëllezër të konfliktohen mes tyre në Shkodër. Sipas policisë, mësohet se njëri prej vëllëzërve ka plagosur me thikë dy të tjerët.
Ngjarja, siç shkruan “Shekulli”, u shënua në fshatin Kuç të komunës Guri i Zi në Shkodër. Mësohet se, Mark Zefi, 37 vjeç debatoi me vëllanë e tij më të madh, Ardian Zefin, 40 vjeç dhe e qëlloi atë me thikë.
Në konflikt u përfshi edhe vëllai më i vogël, Pal Zefi, 27 vjeç, i cili u qëllua gjithashtu me thikë teksa tentoi të mbronte vëllanë e madh.
40-vjeçari Ardian Zefi u dërgua me urgjencë në spital në gjendje të rëndë, ndërsa vëllai i vogël është jashtë rrezikut për jetën. Policia ka shpallur në kërkim Mark Zefin, i cili u largua nga vendngjarja.
