“Sezoni turistik në Tivar ishte shumë e mirë, për çka flasin të dhënat statistikore – për momentin numri i turistëve në Tivar është 13.5 mijë, çka paraqet rritje prej katër për qind, derisa pagesa e taksës nga fillimi i vitit është më e mirë për rreth 20 për qind”, deklaroi drejtoresha e Organizatës turistike të Tivarit Neda Ivanoviq.
Sipas fjalëve të saja, në hotele kishte rritje, në pushimore rënie e lehtë, derisa në akomodimin privat shënohet rritje konstante. “Presim postsezon të mirë. Sipas paralajmërimeve të cilat i marrim nga hotelet është e sigurt që edhe postsezoni do të jetë po aq i mirë sa sezoni”, shtoi Ivanoviq.
