KOMUNIKATË PËR MEDIA E ORGANIZATAVE TË GRAVE NGA ULQINI
Fillimisht duam të shprehim mirënjohjen tonë për qytetarët e Komunës së Ulqinit për tubimin madhështor të protestës, ku treguam unitetin, solidaritetin dhe dëshirën tonë për të vërtetën dhe drejtësinë në rastet tragjike të lindjes së grave tona në Spitalin e Tivarit. Faleminderit edhe për të gjithë ata që erdhën nga qytete të tjera apo dërguan mesazhe mbështetjeje.
Ne e dinim, dhe kjo u vërtetua edhe sot pas deklaratës së ministrit të Shëndetësisë Shimun, se institucionet tona funksionojnë, fatkeqësisht, vetëm nën presionin e opinionit dhe mediave.
Na gëzoi lajmi se doktoresha VesnaGjokvuçiq nuk do të punojë më në spitalin e Tivarit. Kjo do të thotë se edhe pa dëshirë Ministria e Shëndetësisë pranon gabimin në këto raste. Sepse, po të mos kishte kështu , mendoj se nuk do të ishte ndërprerë angazhimi i punës me Gjokvuçiqen!?
E mirëpresim edhe njoftimin se komisioni i jashtëm për kontrollin e fakteve në këto raste do të përfshijë edhe ekspertë të huaj.
Ne jemi të shqetësuar që drejtuesit e Spitalit të Tivarit nuk pranojnë asnjë përgjegjësi, ndaj është e logjikshme që ministri të përdorë kompetencat e tij edhe në këtë rast dhe t’i shkarkojë sa më parë.
Pa marrë parasysh, e vërteta për të gjithë çdo ditë po bëhet më e qartë. Por,neve kemi nevojë për drejtësi , ndaj i bëjmë thirrje prokurorisë që të përfundojë urgjentisht hetimet.
Derisa sa kjo mos të ndodhë rasti i Drita Tafës ,dhe AsmiraAlosheviqit nuk merr epilog ligjor, beteja jonë nuk do të ndalet! Ne ia kemi borxh rinisë së tyre, familjeve të tyre dhe vetes. E vërteta dhe drejtësia do të jenë shëruese për të gjithë komunitetin tonë.
Në Ulqin , 8.11.2024. Në emër të OJQ-Ve të femrave të Uqinit, Hatixhe Nelaj
