Sekretari për urbanizëm dhe rregullim hapësinor të komunës së Ulqinit Valon Buzuku ka lajmëruar kryetarin e komunës Fatmir Gjeka që nga e hëna, me 7 prill, nuk do të jetë më në atë funksion për shkak të arsyeve private.
Ai për 2,5 vite ishte sekretar për urbanizëm dhe në atë periudhë janë miratuar 19 plane dhe është marrë vendimi për punimin e 25 planeve tjera.
Edhe pse nuk është anëtar i PSD-së, Buzuku në atë funksion erdhi në tetor të vitit 2011 me propozim të kësaj parti.
