Ulqini nga e premtja deri të dielën (29.06. deri me 01.07.) do të jetë nikoqir i Kampionatit Evropian në hendboll në rërë për kategorinë nën 18 vjeç “2018 Women’s & Men’s ECh Beach handball U18“.
Ky kampionat do të jetë turneu i parë zyrtar i hendbollit në rërë në Mal të Zi.
Gara do të mbahet në kategorinë e meshkujve dhe femrave me gjithsej 34 skuadra (17 meshkujsh dhe 17 femrash) nga 19 shtete të ndryshme.
Kampionati organizohet nga Federata Malazeze e Hendbollit dhe Komuna e Ulqinit.
