Çdo gjë është gati edhe për një spektakël në Ulqin, njoftuan organizatorët e festivalit “Netët e klipit shqiptar”.
Gara finale e këtij manifestimi do të mbahet në Sallën e madhe të Qendrës për kulturë, më 12 qershor.
Sipas fjalëve të organizatorit kryesor të këtij manifestimi, regjisorit Petri Bozo, publiku do të shoh 48 klipe të artistëve të njohur nga Shqipëria, Kosova, Maqedonia dhe diaspora.
Festivali organizohet prej vitit 2002 dhe drejtpërdrejt transmetohet nga televizionet e mëdha shqiptare. “Kjo është mundësi unike që Ulqini të promovohet në mënyrë turistike dhe kulturore”, tha Bozo.
