Kryetari i Këshillit nacional të Shqiptarëve dhe nënkryetari i Forcës së re demokratike Genci Nimanbegu ka deklaruar që Ligji i propozuar për përdorimin dhe shfaqjen e simboleve kombëtare është më i mirë se ekzistuesi, por që nuk janë respektuar propozimet e këshillave nacionale.
Ai për agjencinë MINA tha që nuk është në rregull të caktohet numri prej 15 për qind të përfaqësimit të pakicave për shfaqjen dhe përdorimin e simboleve kombëtare në njësitë e vetëqeverisjes lokale.
“Po ashtu, vërejtja jonë kryesore ishte që kemi obligimin e institucioneve në nivel lokal që gjykatat, shkollat të shfaqin simbolet kombëtare të pakicave të cilat jetojnë në atë hapësirë, gjë që nuk është përfshirë në ligjin e propozuar”, shtoi Nimanbegu.
