Të enjten në Ulqin, në Plloçë, nis Panairi tradicional i Librit, 23 me radhë.
Ky edicioni ka tubuar rreth 50 botues nga Mali i Zi, Shqipëria, Kosova, Serbia, Maqedonia e Veriut dhe Bosnja e Hercegovina.
Stendin e vet do ta ketë edhe “UL Info”, me të gjitha botimet, si dhe me vepra të autorëve ulqinakë.
Vizitorët e këtij manifestimi, i cili zgjat deri të hënën, më 19 gusht, do të mund të blejnë një libër të botuar së fundmi, “Republika Kusare e Ulqinit” nga Mustafa Canka, në tri gjuhë (shqip, malazeze dhe anglisht).
