Në fund të javës së kaluar në Jelsa, në ishullin Hvar, u mbajt „Noqnjak 2017“, manifestimi më i madh i ullishtarëve dhe prodhuesve të vajit në Adriatik.
Është bërë traditë që ndër të shpërblyerit në këtë manifestim të jenë edhe ullishtarët nga Ulqinit.
Këtë herë medalja e argjendtë për cilësinë e vajit të ullirit ekstra të virgjër të llojit „leccino“ ishte në emrin e Shaban – Buqo Kollarit, ullishtarit dhe punëtorit të njohur turistik i cili ndërroi jetë jo shumë kohë më parë.
Në këtë emër është edhe diploma për cilësinë e vajit të ullirit të llojit vendas “vajuk”.
Diplomën për cilësinë e vajit të ullirit të virgjër të llojit „arbequina“ e fitoi Bilal Kraja, si dhe Osman Kallaba për llojet e puthitura.
Shpërblimet i takuan edhe Nikolla Miroviqit dhe „Fabrikës së vajit Katana“.
