Kryetari i Komunës së Ulqinit Loro Nrekiq tha se pajtohet me mbajtjen e takimit për gjendjen socioekonomike në këtë komunë me anëtarin e Këshillit Partnerik për Zhvillim Rajonal Xhelal Hoxhiqin.
“Aktivitetet tuaja korrespondojnë me punët dhe obligimet e administratës lokale dhe të shërbimeve publike dhe mund të ju informojmë se po punojmë vyeshëm në tejkalimin e problemeve të gjetura, me të vërtet të rënda socioekonomike, ekologjike, ambientaliste, demografike dhe të tjera të Komunës tonë, siç shkruani në letrën Tuaj dhe presim që duke punuar bashkë do të jemi të suksesshëm dhe efikas”, tha Nrekiq.
Ai shtoi se Komuna i ofron Këshillit tërë përkrahjen logjistike e cila ju nevojitet për aktivitetet e tyre.
