Kryetari i Kuvendit komunal të Ulqinit Loro Nrekiq ka deklaruar se për dy javë do të mbahet mbledhja e re e Parlamentit lokal.
Ai për Portalin Ul-info tha se për këtë u arrit marrëveshja në Kolegjium i cili dje u mbajt me përfaqësuesit e partive politike të cilët kanë këshilltarë në Kuvendin komunal.
Siç shtoi, në rend të ditës do të jenë mbi dhjetë vendime të rëndësishme për administratën lokale dhe qytetarët e Ulqinit.
