Kryetari i Këshillit komunal të Partisë demokratike të socialistëve Loro Nrekiq ka deklaruar se nuk është i kënaqur me mënyrën e ndarjes së funksioneve në pushtetin e ardhshëm në Ulqin.
“Askush nga ne nuk është i kënaqur, por duhet të jemi. Torta është një, e të gjithë duhet ta ndajnë”, tha ai për “Vikend novine”.
Nrekiq tha se PDS-ja ishte e detyruar të bëjë lëshime ndaj partnerëve të ri të koalicionit në mënyrë që të ruhet stabiliteti, të përmirësohet situata, ndërsa Ulqinit të fillojë të zhvillohet.
“Neve na mbeten dromcat, por duhet të gjithë të jemi të kënaqur dhe para së gjithash të jemi të sinqertë dhe të drejtë ndaj njëri tjetrit, dhe të besojnë ”, tha ai duke shtuar se i beson partnerëve të koalicionit, por jo tepër.
