“Partia demokratike e socialistëve me siguri nuk do të përkrah Raportin e punës së kryetarit të komunës Nazif Cungu për vitin 2012. Ne do të jemi të përmbajtur kur të votohet për atë pikë“, deklaroi kryetari i Këshillit komunal të socialistëve të Gjukanoviqit Loro Nrekiq.
Ai tha për TV Teuta që është dëshira e PDS-së të jetë pjesë e pushtetit komunal në Ulqin, por, siç shtoi, jo edhe i këtij që nuk i plotësoj pritjet e qytetarëve.
Sipas fjalëve të tija, PDS nuk është për koalicion dy anëtarësh, apo për aleancë vetëm me FORCËN, por për koalicion shumë më të gjerë. “PDS kujdeset për partnerët e vet të koalicionit në nivelin shtetëror dhe në nivelin komunal”, tha Nrekiq dhe theksoi që deri në zgjedhjet e reja në Ulqin duhet të gjendet ndonjë zgjidhje kalimtare.
