Kryetari i Kuvendit komunal të Ulqinit Loro Nrekiq, i cili është edhe shef i Këshillit komunal të Partisë demokratike të socialistëve, prapë është ankuar publikisht në funksionimin e koalicionit qeverisës në këtë komunë.
“Kemi fërkime në mes nesh për çdo pikë e cila është në rend të ditës”, tha ai në mbledhjen e Parlamentit lokal të premten.
Koalicionin qeverisës në Ulqin e përbëjnë PDS-ja, Forca, Koalicioni “Bashkë për të ardhmen e Ulqinit” dhe Unioni Demokratik i Shqiptarëve, dhe ato në Kuvendin komunal kanë 27 nga 33 këshilltarë.
Nrekiq tha se përkundër kësaj Kuvendi shpesh ballafaqohet me mungesën e kuorumit.
