Mbledhja në të cilën do të zgjidhen drejtuesit e ri të Komunës dhe Kuvendit komunal të Ulqinit do të mbahet të hënën, deklaroi për Portalin Ul-info shefi i Këshillit komunal të Partisë demokratike të socialistëve Loro Nrekiq.
Ai tha se këshilltarët do të mblidhen edhe këtë të enjte. “Atë ditë do të miratojmë ndryshimet e Planit detaj urbanistik për Fushë të Ulqinit dhe Programin e objekteve të përkohshme, të cilat më herët i nënshkroi kryekomunari Fatmir Gjeka. Mbas kësaj do të konstatojmë dorëheqjet e Gjekës dhe të kryeparlamentarit Fuad Haxhibeti”, shtoi Nrekiq.
Ai tha se me këtë renditje të veprime pajtohen të gjithë partnerët e koalicionit të pushtetit të ri në Ulqin.
