Kryetari i Komunës së Ulqinit Loro Nrekiq shprehu kënaqësinë për Qendren e Monitorimit të Peshkimit në të cilën është e kyçur edhe Komuna e Ulqinit.
Ai tha se projekti është i lidhur për zhvillimin e qëndrueshëm të ekosistemit detar dhe bregdetar dhe filloi në vitin 2015 me qëllim ndalimin e peshkimit të paligjshëm, në veçanti me mjete shpërthyese.
Këto dukuri, siç tha ai, në kohën e fillimit të realizimit të projektit ishin të shpeshta, që kishte si pasojë që këtë projekt opinioni ta shohë me skepticizëm dhe pabesi që mund të ndalojë punët e pandershme në det.
„Sot shohim që aktivitetet ilegale janë ulur në minimum, ndërsa projekti fitoi kuptimin e vet, si shembull i bashkëpunimit të suksesshëm me përkrahjen e partnerëve ndërkombëtar, projekt i cili na afron standardeve të shteteve të zhvilluara“, tha Nrekiq.
