Bartësi i listës së Partisë demokratike të socialisteve në Ulqin Loro Nrekiq tha në deklaratë për Portal Analitika që beson se partitë shqiptare nuk do të arrijnë marrëveshjen për formimin e pushtetit në këtë komunë pa PDS dhe paralajmëroi vazhdimin e negociatave të hënën.
“Sipas këndvështrimit tim partitë shqiptare nuk do të arrijnë marrëveshjen për formimin e pushtetit lokal. Mendoj që është mirë për PDS që ato mos të arrijnë marrëveshje dhe të hënën të presim raundin e ri të negociatave dhe të përfundojmë punën”, tha Nrekiq.
Mbas konsultimeve të para nuk është arritur marrëveshja për formimin e pushtetit lokal në Ulqin.
Nga PDS-ja kanë thënë më herët që çdo partner i koalicionit në nivel shtetëror është partner i tyre potencial dhe që nuk do të neglizhojnë asnjë subjekt politik dhe që do të bëjnë çdo gjë për të mirë të qytetarëve të Ulqinit dhe Malit të Zi.
