Drejtoria për punë inspektuese ka konstatuar, me vendimin e 17 qershorit, që organizatori i Panairit të parë ndërkombëtar të artizanëve dhe prodhimeve artistike, NVO “Globus art”, mbasi që një ditë më herët është ndërprerë ky manifestim, “krejtësisht i ka hequr parregullsitë”. Prandaj Drejtoria ka pru vendim në të cilin thuhet: “Ndërpritet procedura për këtë gjë për arsye se subjekti i kontrollit ka hequr parregullsitë e evidentuara ”.
Udhëheqësi i kësaj OJQ Ramiz Hajdari tha për portalin UL-info që asgjë tjetër nuk i mbetet përveç që e gjithë kjo çështje të përfundoj me rrugë gjyqësore. “Do të kërkojmë pagesën e të gjitha shpenzimeve që kishin ekspozuesit dhe dëmshpërblimin për fyerjen e nderit”, tha ai.
Duke u përgjigjur në vlerësimet e kryetarit të komunës së Ulqinit Nazif Cungu që panairi ishte keq i organizuar, Hajdari tha që gjykimin për këtë gjë e kanë dhënë ekspozuesit. “Për këtë gjë Cungu nuk mund të flas, sepse nuk ishte në panair, edhe pse e kemi ftuar në mënyrë të rregullt”, shtoi ai.
