Të shtunën, me 06.04.2019 ne sallën e Qendrës për kulturë në Ulqin në ora 20:00h, do të mbahet “Nata e veteranëve të folklorit të Ulqinit”.
Natë kjo e përkushtuar të gjithë atyre që kanë lënë gjurmë në historinë e folklorit të qytetit tonë.
Në këtë eveniment do të prezantohen këngët popullore të Ulqinit të kënduara nga këngëtarët e njohur vendas.
Organizatorët e kësaj nate janë Organizata joqeveritare “Lira”, nën mbështetjen e Komunës së Ulqinit, Organizatës turistike dhe Kuvendit komunal.
Te gjithë dashamirësit e folklorit dhe gjithë qytetarët e nderuar jane te mirëseardhur në këtë mbrëmje solemne të organizuar në kuadër të Ditës së Ulqinit, kumtohet nga „Lira“.
