Ofruesit e akomodimit në Ulqin nga fundi i këtij muaji do të kenë mundësinë e përdorimit të aplikacionit celular online për regjistrimin e mysafirëve, është thënë në një prezantim të mbajtur sot në hotelin “Otrant”.
Një platformë e tillë u mundësua nga Organizata Turistike e qytetit në bashkëpunim me Komunën.
Sipas drejtorit të atij institucioni, Qazim Hoxha, kjo mënyrë mundëson regjistrim efikas të mysafirëve dhe kursen kohë për ofruesit e akomodimit.
Vladimir Bokun nga kompania “Primatech” tha se këtë sistem e përdorin 17 organizata turistike në Mal të Zi, si dhe shumë hotele.
