Nën organizimin e Organizatës Turistike të Ulqinit të mërkurën, më 26 janar, do të fillojë punëtoria (workshop) treditorë ku do të prezantohen aktivitetet dhe rezultatet e deritashme të procesit “Green Destinationas”, si dhe hapat që do të ndërmerren.
Bëhet fjalë për plotësimin e gjithsej 100 kritereve të platformës ndërkombëtare për brendimin e destinacionave të qëndrueshme.
OT Ulqin tenton që maksimalisht t’i përgjigjet kërkesave të rrepta dhe gjithëpërfshirëse të platformës, e cila këtij qytet i solli disa mirënjohje për shembujt e praktikës së mirë.
Programi “Destinacioni i gjelbër” do të përfshihet në Strategjinë e re të Zhvillimit të Turizmit në Mal të Zi për tre vitet e ardhshme.
