Të mërkurën Organizata turistike e Ulqinit ka hapur dy pika turistike – informative, në kalimin kufitar në Sukubinë dhe një në qytet, në afërsi të Stacionit të autobusëve.
Pritet që edhe një pikë të hapet të enjten, në Plloç afër Plazhit të vogël, derisa dy të tjerë, në Shtoj dhe në bulevardin Teuta, do të fillojnë me punë në fund të kësaj jave, kanë lajmëruar për UL-info nga OT.
Nga ky institucion kanë ftuar qiradhënësit e apartamenteve që të lajmërojnë mysafirët dhe në këtë mënyrë të kontribuojnë për sigurinë më të madhe të turistëve dhe në imazhin më të mirë turistik të komunës së Ulqinit.
