Manifestimi tashmë tradicional “Sweet December” do të fillojë më 21 dhjetor dhe do të zgjasë deri më 7 janar, njoftoi Organizata Turistike e Ulqinit.
Siç thuhet, përveç yjeve të rajonit dhe artistëve vendas, janë planifikuar edhe disa surpriza të tjera dhe një program i pasur për kënaqësinë e të gjithë qytetarëve dhe mysafirëve.
“Fakti që sezoni turistik ishte shumë i suksesshëm dhe që tre hotelet më të mëdhenj në qytetin tonë janë të hapur edhe sot, tregon se strategjitë e promovimit dhe marketingut të qytetit tonë po japin rezultate. Synimi ynë është që Ulqini të ketë sezon turistik gjatë gjithë vitit dhe besojmë se jemi në rrugë të mbarë për ta arritur këtë”, thuhet nga OT Ulqin.
