Sipas të dhënave zyrtare të Organizatës turistike, në rivierën e Ulqinit sot qëndrojnë 740 mysafirë. Pjesën më të madhe, 629, e përbëjnë të huajt dhe kryesisht janë të vendosur në hotele, ndërsa 22 qëndrojnë në kampe.
Sot është mbajtur mbledhja e Këshillit koordinues për përcjelljen e sezonit turistik, të cilën e drejtoi kryetari Fatmir Gjeka.
Ai deklaroi që në fillim të javës së ardhshme do të organizohet takimi me drejtuesit e policisë kufitare dhe shërbimit doganor në mënyrë që maksimalisht të lehtësohet hyrja e turistëve në vendkalimin Sukubinë.
