Organizata turistike ka lajmëruar që në fillim të tetorit në rivierën e Ulqinit qëndrojnë 668 mysafirë. Tre të katërtat e turistëve qëndrojnë në hotele, diçka më shumë se 500, derisa në kampe dhe në akomodime private pushojnë 160 mysafirë.
Katër të pesta e mysafirëve e përbëjnë të huajt, derisa të vendit janë kryesisht pensionistët të cilët janë të akomoduar në hotelin e Fondit për pensionist dhe njerëz me invaliditet të Malit të Zi në Plazhin e vogël.
Vizitës së mirë në këtë periudhë të vitit gjithsesi i kanë kontribuar koha e mirë dhe çmimet e ulëta në hotele të rivierës së Ulqinit.
