Nga fillimi i vitit në Ulqin janë paguar pak mbi 75 mijë euro të taksës së banimit. „Kjo është në nivelin e vitit të kaluar, por akoma nuk është në nivelin e pritshëm“, është deklaruar nga Organizata turistike.
Në këtë institucion besojnë që gjendja do të përmirësohet dukshëm kur hotelet e mëdha të paguajnë taksën për mysafirët e vet.
Punonjësja e OT Emina Dervishi tha që disa pronar të akomodimit privat akoma nuk e kanë kuptuar funksionin dhe qëllimin e taksës së banimit. “Ka nga ato që asnjëherë nuk e kanë paguar”, tha ajo për “Pobjeda”.
Taksa e banimit në Ulqin është 50 cent. Nga kjo 40 cent apo 80 për qind i mbetet Organizatës turistike lokale, ndërsa 10 cent apo 20 për qind i paguhen Organizatës nacionale turistike.
