Të premten Organizata Turistike e Ulqinit (OT) ka shpallur konkursin e ri për pranimin e tetë operatorëve/eve për punë në info-pika. Shpallja zgjat tre ditë.
Ky është konkursi i tretë të cilin e shpall ky institucion, gjersa pritet që drejtori i ri, i cili do të jetë nga radhët e Partisë Demokratike, ta marr funksionin ditët e ardhshme.
Drejtori i tanishëm i OT Fuad Haxhibeti do të kalojë në vendin e drejtorit ekzekutiv në Ndërmarrjen Publike “Ujësjellës dhe Kanalizimi”.
