Udhëheqësia dhe futbollistët e Klubit të futbollit “Otrant Olimpik” kanë biseduar të premten mbrëma me drejtuesit e Komunës së Ulqinit për tejkalimin e krizës financiare të këtij kolektivi sportiv, mëson Portali Ul-info.
Futbollistët nuk kanë pranuar propozimin që të nisin përgatitjet për pjesën pranverore të garës në Ligën e dytë gjersa të ju sigurohet të paktën dy nga katër pagat e prapambetura.
Sipas kalendarit të Federatës malazeze të futbollit, pjesa e dytë e garës do të fillojë me 5 mars.
“Otrant Olimpik” pjesën e parë të garës e përfundoi në vendin e tretë në tabelë, që është suksesi më i madh në histori të futbollit të Ulqinit.
