Këtë vjeshtë në ullishtat dhe mullinjtë e Ulqinit do të ketë pak punë. Sepse, në trungjet e ullirit ka shumë pak fryte, ndërsa edhe ajo që ka mbetur nuk do të ketë cilësi të lartë.
Kushtet klimatike gjatë pranverës dhe verës kanë ndikuar dëmshëm në pllenim dhe zhvillim të mëtejshëm të frytit, ndërsa ullishtarët shumë rrallë kanë përdorur mjetet për mbrojtje.
Por, mbasi që grumbullimi i vjetshëm ishte shumë i pasur, vajë të ullirit ka akoma mjaftueshëm jo vetëm për ullishtarët dhe qytetarët e Ulqinit, por edhe për të gjithë ato që nga qyteti i tyre dëshirojnë ta marrin këtë lëngë të bekuar.
