Në “Pallatin Venecia”, në sheshin e Servantesit, të martën mbrëma u hap ekspozita e punimeve të artistëve ulqinak.
Punimet e veta i ekspozuan Allmi Suka, Bilal Nikeziq, Edin Kapllani, Mersiha Resulbegoviq – Mavriq, Naser Hasa dhe Vahida Nimanbegu.
Ekspozitën, të cilën mund ta shohin të gjithë që dëshirojnë në shtatë ditët e ardhshme, e hapi kryetari i Komunës së Ulqinit Loro Nrekiq. Ai i uroi sukses artistëve në jetën dhe punën e mëtejme dhe theksoi se administrata lokale gjithmonë do t’i ndihmojë krijuesve.
Organizatorë të ekspozitës janë hoteli “Pallati Venecia” dhe Shoqata e Artistëve Ulqinak “Perla Blu”.
