Disa dhjetëra qytetarë të Ulqinit dhe përfaqësues të organizatave joqeveritare janë përgjigjur pozitivisht ftesës së trajnerit të Klubit të hendbollit për femra Mustafa-Muqko Kollarit për të pastruar mbeturinat, bërllokun dhe bimët e imta në një nga vendet më panoramike në gjirin e Valdanosit, si dhe të disa lokaliteteve tjera të cilët nëpër Ullishtë çojnë deri tek kryqëzimi në rrugën Ulqin-Tivar.
Në këtë aksion veçanërisht aktiv ishin anëtarët e klubit të hendbollit për femra dhe meshkuj dhe prindërit e tyre.
Për të gjithë pjesëmarrësit, nën organizimin e Komunës së Ulqinit, u ndanë sandviçët.
Në emër të administratës lokale aksionit iu bashkëngjiten kryekomunari Nazif Cungu, nënkryetarët Hadixha Gjoni, Arian Murati dhe Vaso Radoviq, shefi i Policisë komunale Saubih Mehmeti dhe drejtoresha e OT-së Zana Sarvan.
Kollari paralajmëroi se do të organizoi aksione tjera të ngjashme në mënyrë që Ulqini të jetë më i bukur dhe më i rregulluar.
