Në Ulqin sot, para Qendrës së kulturës, në organizim të Monitoring grupit Ulqin – Mogul, u mbajt Panairi i biznes ideve për persona me invaliditet.
Këtë manifesti solemnisht e hapi nënkryetarja e Komunës Hadixha Gjoni, ndërsa folën edhe drejtori i Entit për punësim Zhelko Rolloviq dhe mentori në projektin “Biznesi i vogël – Mundësi e madhe” Kristian Qetkoviq, nga OJQ “35mm”.
Siç thanë organizatorët, me projekt dëshirohet që në mënyrë afatgjate të kontribuohet në përfshirje shoqërore të personave me invaliditet nëpërmjet rritjes së punësimit dhe qasjes më të mirë të tregut të punës, si dhe rritjen e numrit të iniciativave sipërmarrëse të kësaj popullate vulnerabël në komunë të Ulqinit.
