Në Lukavac është hapur sot solemnisht Panairi tradicional i turizmit, i cili do të zgjas deri të shtunën.
Në këtë manifestim të 12 me radhë në këtë qytet të Bosnjës dhe Hercegovinës në kantonin e Tuzllës komuna e Ulqinit është partner i panairit. Nesër do të nënshkruhet kontrata për binjakëzimin e këtyre dy komunave.
Të premten, me fillim në ora 19, do të mbahet Nata e panairit, për të ftuarit në organizim të komunës së Ulqinit, Organizatës turistike të Ulqinit, Komunitetit turistik të kantonit të Tuzllës, komunës së Lukavcit dhe panairit të Llukavcit, me program të pasur kulturo-artistik të grupeve dhe artistëve të Ulqinit dhe vendas.